شهادة غير مسبوقة من محلل اسرائيلي: لم تظهر قوة عسكرية إسلامية مثل إيران منذ أن خرجت جيوش النبي محمد من الجزيرة العربية وغيرت العالم واي قوة هتدخل طهران بريا ستدفن هناك
“منذ أن خرجت جيوش النبي محمد ﷺ خارج الجزيرة العربية وغيرت العالم لم تظهر قوة عسكرية إسلامية مثل إيران…هذه العبارة لم تأت علي لسان داعية إسلامي ولا شيخ ولا محلل عربي ولا إعلامي إيراني… ده تصريح مثير جدا من الكاتب والمحلل السياسي الاسرائيلي الون مزراحي
مزراحي، خرج عن السرد المعتاد تمامًا، وقال كلام عكس كل اللي بيتقال في الإعلام الغربي، وكرر بشكل واضح إن اللي بيحصل دلوقتي “لحظة تاريخية” محدش كان متوقعها
كل الكلام ده قاله لما شاف إقامة الصلاة في مدن الصواريخ الإيرانية الموجودة تحت الأرض
اعتراف غير مسبوق من الداخل الإسرائيلي
مزراحي قال نصًا إن العالم بيشهد قوة عسكرية غير عادية، وإن إيران قدرت تعمل اللي محدش قدر يعمله قبل كده، ووصل لدرجة إنه قارنها بالقوة الإسلامية في بداياتها، لما خرجت من الجزيرة العربية وغيرت موازين العالم بالكامل.
وده في حد ذاته صادم… لأن الكلام جاي من داخل إسرائيل مش من خارجها!
ضربات إيران التي غيرت قواعد اللعبة وخسرت امريكا تريليونات الدولارات
حسب تحليله، إيران نفذت ضربات دقيقة وواسعة النطاق على قواعد أمريكية وإسرائيلية، وده أدى لتدمير منشآت عسكرية ضخمة اتبنت على مدار عقود وكلفت تريليونات الدولارات.
وبيوضح إن خلال 4 أيام فقط، حصل دمار هائل وشامل في قواعد من أهم القواعد العسكرية في الخليج، زي البحرين والكويت وقطر والسعودية، لدرجة إن جزء كبير من الإنفاق العسكري الأمريكي اختفى في لحظات.
– تدمير معدات بمليارات في ثواني
المفاجأة الأكبر من وجهة نظر الون مزراحي كانت في التفاصيل…رادارات بتكلفة مئات الملايين بتتدمر في ثواني، وقواعد كاملة بيتم إخلاؤها أو حرقها وتدميرها، ومشاهد غير مسبوقة حتى في تاريخ الحروب الحديثة.
مزراحي بيقول إن أمريكا نفسها ما شافتش دمار بالشكل ده قبل كده، ويمكن يقارنه فقط بـ”بيرل هاربر”، لكن حتى ده كان هجوم واحد، مش حرب مستمرة بالشكل ده.
– استحالة الغزو
مزراحي أكد إن فكرة غزو إيران شبه مستحيلة، بسبب مساحتها الضخمة واستعدادها العسكري الممتد لعقود، وقال بشكل واضح إن أي قوات برية هتدخل إيران “هتبتلع بالكامل”.
البنية العسكرية تحت الأرض
واحدة من أهم نقاط القوة اللي ذكرها، إن البنية العسكرية الإيرانية مش مكشوفة، لكنها موجودة تحت الأرض في أماكن منتشرة، وده بيخلي الوصول ليها شبه مستحيل حتى لأقوى الجيوش.
خسروا الحرب؟
الصدمة الأكبر كانت في استنتاج الون مزراحي النهائي لما
قال إن الولايات المتحدة وإسرائيل بالفعل خسروا الحرب، وإنهم ممكن يسببوا دمار، لكن مش هيقدروا ينتصروا فعليًا.
منقول عن قناة الحدث#
التعليقات مغلقة.