هادو شباب و شابات حاملي الشواهد من ولاد الشعب مشاو يدوزو مبارات التعليم بحثا عن وظيفة من اجل العيش الكريم ، حتا كيتفاجؤو بسكان المنطقة و شبابها موجدين ليهم الفطور في الشارع..

تصور أنك طالب يالله عندك فلوس المركوب ، توصل لمدينة فين غدوز الإمتحان و تلقى ناس ديك المنطقة موجدين ليك الفطور تاكل تا تشبع و دخل دوز الكونكور..

و الأكثر من دالك كاين لي فتح باب منزله من اجل المبيت لأي مترشح او مترشحة جايين من منطقة بعيدة…

حوالي 400 شاب و شابة تم الترحاب بهم ،بات و فطر لي قسم الله و دوز الإمتحان و رجع بحالو فرحان بجود و كرم هاد المنطقة و الله الخير تبارك الطوابل عامرين و كلشي موجود .

شكرا لسكان منطقة أفورار إقليم بني ملال على كرم الضيافة و طيبة قلبكم انتم مفخرة للمغاربة.. ♥️

بقلم ادمن كيني بالفيزا
منقول